Ikerketa

Gaur egun, musika ikertzaile lanetan dihardut. Nire ikuspuntutik musika komunikazio prozesua da eta, komunikazio eta kultura ikasketak ditudanez, kantek zer nolako mezuak transmititzen dituzten jakin nahi dut. Zehazki, letren analisian oinarritzen da nire lana. Garatzen ari naizen doktoretza tesia euskal pop musikaren diskurtsoei buruzkoa da; 1990-2020 bitarteko abesti ospetsuen letrak aztertzen ari naiz, Gaztea irratiaren espektroan daudenenak. Deustuko Unibertsitateko komunikazio departamentuan egiten ari naiz tesia, FPI-UD beka batekin.


Euskal musika popularra

Tesiaz gain, paraleloki beste ikerketa batzuk egiten nabil, betiere letren analisian oinarrituta. Euskal Herriko musika pandemikoari buruzko lan bat egin dut, 73 kanten analisiarekin. Amaitu berri dudan ikerketa, ordea, talde zehatz batera mugatu da: La Oreja de Van Gogh. Euren 111 kanta aztertu ditut leku-identitatea nola garatu duten plazaratzeko, Donostiarekin duten harremana ardatz hartuta.

2021eko IkerGazte kongresurako, hegan egiteaz mintzatzen diren kantak aztertu nituen. Azken urteotan hainbat abestik daramate euren izenburuetan hegan egiteari lotutako kontzepturen bat. Artikulu zientifiko honetan, sinbolismoaren erabilera aztertzen dut.

Izan ere, hegoak, hegan egitea eta hegaztiak kultura popular askoren sinbolo dira. Euskal kulturan, zehazki, tradizionalak dira gainera. Horren eredu dugu Artze eta Laboaren “Txoria txori”, askatasun kolektiboaren ereserki. Aztertutako abestiekin, artikuluan azaltzen dut gaur egun sinbolook askatasun indibidualarekin dutela lotura handiagoa kolektiboarekin baino.

Nire lana IV. Ikergazte artikulu-bilduman irakur daiteke:


Irratian, letren analisiaz hizketan

2020ko azarotik 2021eko martxoa bitartean, Naiz Irratian kolaboratu nuen. Aste bakoitzerako gai bat hautatu, gaia lantzen zuten abestiak bilatu eta letrak aztertzen nituen. Hurrengo esteketan daude saio guztiak entzungai:

 

Musikaz hizketan beste plataforma batzuetan

PubGuitar Twitch kanalean izandako elkarrizketa

Ttap aldizkarian partekatutako iritziak